Herzlich Willkommen bei den Barti-Freunden Bayern!

Grias Eich olle mitanand... I hob ma denkt I mach amoi a Seitn auf, wo ma si ausdauschn kon und bläd daher redn kon ohne das ma glei aufpassn muas das ma oane aufn Deckl griagt.

A in Bayern is da bärtige Deife (die Bartagame) a gern gsengs Haustier, drum find I des total bläd, dass ma kaum a Süddeitsche Seitn find, wo ma do a moi drüber quatschn kon. De im Norden san do a weng mehra fit ois wia mia, aba nimmer lang...

Oiso, unsere bärtigen Freind san zwar ganz toll, aba ma muas si a vorher guad übalegn ob ma si so was hoam duad. Dem Viechal sois ja schließlich a guad geh.

Bei mir do im Forum kennts Eich ausdauschn üba den Terrarienbau, sämtliche Futtermittel, verschiedene Arten und die Entwicklung. A wennst a Gelege host und des loswerdn wuist konnst di verewigen.

Schreibts einfach eiern Sepft dazua und lassts as eich guad geh.

Servus und vui Spaß sogt eier Nicky